Alǵashqy brokerlik kompanııalar AHQO bırjasynda tirkeýden ótýde
Aıta ketsek, 5 shilde kúni «Astana» Halyqaralyq qarjy ortalyǵynyń resmı ashylýy ótedi.
«AHQO «Astana» jobasy sekildi - Memleket basshysynyń bastamasy. Bul jobalar bir-birimen uqsas. Astanany Almatydan Arqaǵa kóshirý máselesi áý basta birshama kúmándi pikirlermen betpe-bet kelgen bolatyn. Arada 20 jyl ótkennen keıin biz Memleket basshysynyń bastamasynyń sózsiz jeńisiniń jemisin kórip otyrmyz. Oǵan kóz jetkizgińiz kelse, terezeden syrtqa sóz tastap kórińiz. AHQO birshama jyldardan keıin Astananyń jeńisin qaıtalaǵanyn qalaımyz. Biregeı halyqaralyq brendti jasap shyǵarýdaǵy AHQO men qalalyq ákimdiktiń birlesken is-sharalary sheteldik ınvestıtsııalardyń aǵylýyn qamtamasyz etedi», - deıdi Qaırat Kelimbetov.
AHQO basshysy atap ótkendeı, ortalyqtyń zańnamasyn ázirleý kezinde IOSCO (Qundy qaǵazdar boıynsha Halyqaralyq komıssııalar uıymy), IFSB (Islam qarjy qyzmetteri boıynsha keńes) sekildi halyqaralyq uıymdarda bekitilgen qaǵıdattar men standarttar basshylyqqa alynǵan.
«Atalǵan standarttar kapıtal naryǵynyń ashyqtyǵy men tıimdiligin qamtamasyz etý turǵysynda talaptardy bekitip, júıeli túrde táýekelderdi azaıtady. Komıtet sonymen qatar, Qarjy quraldary naryǵy týraly dırektıva (MiFID), Ulybrıtanııanyń, Dýbaıdyń (DIFC), Ábý-Dabı Global Market (ADGM) pen Katar qarjy ortalyǵynyń (QFC) talaptaryna saı eýropalyq úlgilerdi zertteý ústinde», - deıdi spıker.
Ol sonymen qatar, alǵashqy saýda boıynsha músheler AHQO qarjylyq qyzmetiniń retteýshisimen (AFSA) moıyndalyp, «Astana» Halyqaralyq qarjy ortalyǵynda tirkeý protsedýrasynan ótip jatqanyn atap ótti.
«Olardyń qatarynda jetekshi qazaqstandyq jáne qytaılyq brokerlik kompanııalar bar. Atalǵan brokerlik kompanııalardyń saýda operatsııalaryn bizdiń ortalyqtyń joǵary tehnologııaly bırjalyq alańynda testileý jumysy júrgizilýde. AHQO bırjasy qazaqstandyq jáne halyqaralyq brokerlik kompanııalarmen saýda operatsııalaryn júrgizýge tolyǵymen daıyn», - deıdi Qaırat Kelimbetov.
