Alǵashqy aýyrtpalyq bilim júıesine túsedi – Saıasat Nurbek elimizdegi «bebı-bým» jaıynda
«BUU boljamyna sáıkes, 2030 jyly, ıaǵnı 7 jyldan keıin Ortalyq Azııanyń halqy 82 mln adamnan asyp túsedi. Sondyqtan birinshi soqqyǵa bilim júıesi tap bolady. Qazirdiń ózinde biz osynaý demografııalyq tolqynnyń mektepke deıingi jáne orta bilimge aýyrtpalyq túse bastaǵanyn kórip otyrmyz»», - dedi ol Otbasy, demografııa jáne genderlik saıasat máseleleri jónindegi halyqaralyq ǵylymı konferentsııa barysynda.
Osy oraıda mınıstr elordadaǵy 54 mektepte dáris oqyǵan kezde oryn alǵan qyzyqty oqıǵasymen bólisti.
«Bir muǵalim ornynan turyp, latyn álipbıine qashan kóshetindigimizdi surady. Bul másele qazirgi ýaqytta talqylanyp jatqanyn aıtsam, kóshpeýimizdi suraıdy. Nege degen suraǵyma: «Sebebi qazirgi álipbıimizde 42 árip bar. Al bizde birinshi synypta 40 klass bar. Ь men -den basqa áriptiń biri de bos emes. 1ıa, 1h, 1ıý klastary bar. Al jańa álipbıde - 28 árip. Bizge árip jetpeı qalady» dep jaýap berdi. Mine osyndaı da ázil bolǵan edi», - dedi Saıasat Nurbek.
Ol Memleket basshysy bul máseleni erekshe baqylaýda ustap otyrǵanyn, «Jaıly mektep» jobasy iske qosylǵanyn atap ótti. Shamamen 400 mektep jańa úlgilik standartpen salynady. Jalpy 1 myń mektep boı kóteredi. Demek, aldymyzda aýqymdy jumys tur. Osy jaıly mektepterdi pedagogtermen qamtý úshin 2024-2025 jyldary 70 myń maman daıarlaýymyz kerek. Al 2026 jylǵa qaraı 120 myń pedagogti daıarlap úlgerýge tıispiz», - dedi ol.
