Alǵashqy Altaı marafonynda Andreı Leımenov jeńimpaz atandy
ASTANA. QazAqparat - Búgin Shyǵys Qazaqstan oblysynyń ortalyǵy Óskemen qalasynda alǵash ret Altay Half Marathon ótti, dep habarlaıdy QazAqparat Qazaqstannyń Jeńil atletıka federatsııasyna silteme jasap.
Shyǵysta jartylaı marafonnan mundaı jarys alǵash ret uıymdastyrylyp otyr. 21 shaqyrym 97,5 metrge júgirýge jarysta erler arasynda birinshi oryndy jergilikti sportshy Andreı Leımenov jeńip aldy.
Leımenov tizgindi birden qolǵa alyp, atalǵan qashyqtyqty - 1 saǵat 10 mınýt 11 sekýndta baǵyndyrdy. Ekinshi oryn taǵy bir ShQO sportshysy Ámir Baıtýqanovqa buıyrdy - 1:13:20. Úshtikti Tarazdan kelgen Andreı Kalıýjnyı (1:14:01) qorytyndylady.
Bul jartylaı marafon - Qazaqstan jeńil atletıkasynyń 100 jyldyǵy men Astana qalasynyń 20 jyldyǵy qurmetine arnalyp ótkizildi.
Foto: kazathletics.kz
