Alǵashqy 4 aıdyń qorytyndysy boıynsha Qyrǵyzstan ónerkásiptik ósýdiń qarqyny boıynsha kóshbasshylyq ornyn saqtap qaldy - TMD
SANKT-PETERBOR. Maýsymnyń 3-i. QazAqparat /Elena Mıagkova/ - Qyrǵyzstan 2010 jyldyń qańtar-sáýir aılarynyń qorytyndysy boıynsha TMD elderiniń arasynda ónerkásiptik ósýdiń kóshbasshylyq ornyn saqtap qaldy. Bul kórsetkish ótken jyldyń sáıkes kezeńimen salystyrǵanda 61,3 paıyzǵa jetti, delingen TMD Memleketaralyq statıstıkalyq komıtetiniń habarlamasynda.
Bul kórsetkish respýblıkanyń júıe qurýshy óndirisi bolyp tabylatyn «Qumtór» altyn-rýda kásipornynyń tolyq jumys qýatynyń jandanýymen mazmundalyp otyr. Bul tizimde ekinshi jáne úshinshi orynǵa 16 paıyz jáne 12,9 paıyz ósý kórsetkishterine qol jetkizgen Tájikstan men Armenııa taban tiredi.
Ýkraınada atalǵan 4 aıda ónerkásiptik óndiris 12,6 paıyzǵa, Qazaqstanda - 11,8 paıyzǵa, Reseıde - 6,9 paıyzǵa, Belarýs Respýblıkasynda - 6,1 paıyzǵa, Moldovada - 5,5 paıyzǵa, Ázirbaıjanda - 5,2 paıyzǵa ósti.
Qańtar-sáýir aılarynda TMD elderi boıynsha ónerkásiptik óndiris orta eseppen, 2009 jyldyń sáıkes kezeńimen salystyrǵanda, 8 paıyzǵa ósip otyr.
Ónerkásiptik ósý dınamıkasy boıynsha Túrkimenstan men Ózbekstannan málimetter joq.
