Alǵashqy atom elektr stansasynyń qurylysy qashan bastalady – mınıstr jaýaby

ASTANA. KAZINFORM – Energetıka mınıstri Almasadam Sátqalıev elimizde alǵashqy atom elektr qurylysynyń shamamen qashan bastalatynyn aıtty.

- Halyqaralyq tájirıbege sáıkes atom elektr stansasynyń qurylysyn jobalaý úsh jylǵa deıin sozylady. Úsh jyldan keıin «beton» kezeńi, ıaǵnı qurylys jumystary bastalady. Jalpy qurylys jumystary týraly aıtatyn bolsaq, eki jyldyń ishinde qurylysqa kirisemiz. Alaıda nysannyń negizgi qurylysy tek tehnıkalyq-ekonomıkalyq negizdeme aıaqtalǵannan keıin, jobalyq qujattama daıyndalyp, memlekettik organdardan barlyq qajetti ruqsat alynǵan soń ǵana bastalady, - dedi Almasadam Sátqalıev vedomstvonyń keńeıtilgen alqa otyrysynan keıin ótken baspasóz máslıhatynda. 

Keshe Úkimet alǵashqy atom elektr stansasyn Almaty oblysynyń Jambyl aýdany aýmaǵynda salý týraly sheshim qabyldady. 

Eske sala keteıik, premer-mınıstr AES salýda ekonomıkalyq tıimdilikti qamtamasyz etý qajet ekenin aıtqan edi. 

Sondaı-aq Qazaqstandaǵy alǵashqy AES 8 jyldyń ishinde salynyp bitýi múmkin ekeni týraly jazǵan bolatynbyz.