Alǵash ret uıqydaǵy akýla vıdeoǵa túsirildi
Vıdeo Discovery arnasyndaǵy Shark Week baǵdarlamasy aıasynda túsirilgen. Ǵalymdar buǵan deıin aq akýla uıqysyn taspaǵa túsirý eshkimniń qolynan kelmegenin aıtýda. Akýla uıqy ústinde de júzýin toqtatpaıdy: eger júzýin toqtatsa, jelbezekterine sý kirmeı, ottegi jetispeı tunshyǵyp qalar edi. Uıqydaǵy akýlanyń ortasha jyldamdyǵy saǵatyna 23 shaqyrym boldy. Sciencealert qozǵalyssyz uıyqtaı alatyn akýla túrleriniń bar ekenin atap ótti. Biraq aq akýla olardyń qataryna jatpaıdy.
Aq akýla nemese úlken aq akýla, nemese akýla-adamjegish, nemese karharodon (lat. Carcharodon carcharias) Jer betindegi barlyq muhıttarynyń (Soltústik muzdy muhıtynan basqa) jaǵalaý jáne aıdyndarynda kezdesedi. Ol jer betindegi úlken jyrtqysh balyqtardyń biri bolyp esepteledi. Atalyqqa qaraǵanda analyq akýla irileý, uzyndyǵy 4,6-4,8 metr, keıde 5 metrden asatyn akýlalar kezdesedi. Olardyń ómir súrý uzaqtyǵy shamamen - 27 jyl.
Aq akýlalar quryp ketýdiń az-aq aldynda tur: 2010 jyly álemde 3 500 ǵana aq akýla bolǵan. Qazirgi ýaqytta olar OAR, Namıbııa, Izraıl, Malta, AQSh-tyń keıbir shtattary, Aýstralııa sýlarynda ómir súredi jáne zańmen qorǵalǵan.