Alǵash ret úsh qazaqstandyq tennısshi Prezıdent kýbogynyń jartylaı fınalyna shyqty
NUR-SULTAN. QazAqparat - Alǵash ret úsh qazaqstandyq tennısshi Prezıdent kýbogynyń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, elimizdiń ekinshi raketkasy Dmıtrıı Popko shırek fınalda Prezıdent kýbogynyń úsh dúrkin chempıony, reseılik Evgenıı Donskoıdy utty - 7:5, 6:4.
D.Popko fınalǵa shyǵý úshin jarystyń birinshi raketkasy, reseılik Roman Safıýllınmen talasady.
Denıs Evseev shırek fınalda tartysty matchta brazılııalyq Gabrıel Dekampstan basym tústi - 6:4, 2:6, 6:4.
Taǵy bir qazaqstandyq Beıbit Jýkaev óz sporttyq jolynda tuńǵysh ret chellendjer dodasynyń jartylaı fınalyna ótti. Aqtaý tennıs mektebiniń túlegi asa tartysty básekede álemniń burynǵy 33-raketkasy, ózbekstandyq Denıs Istomınnen aılasyn asyrdy - 6:7 (5:7), 7:6 (12:10), 7:6 (7:5).
Úsh saǵatqa sozylǵan matchta Beıbit 20 eıs jasady.
Erteń B.Jýkaev pen D.Evseev ózara kezdesip, fınaldyq joldamany sarapqa salady. Osylaısha, keminde bir qazaqstandyq sportshy fınalda oınaıdy.
Eske sala keteıik, budan buryn qazaqstandyq tennısshiniń Prezıdent kýbogynyń jartylaı fınalyna shyqqanyn jazǵan bolatynbyz.
Sondaı-aq astanada alǵash ret ATP 500 týrnıri ótedi.
