Alǵash ret taǵaıyndalǵan sýdıalar bir jyldyq taǵylymdamadan ótýi tıis - Elbasy
ASTANA. QazAqparat - Alǵash ret taǵaıyndalǵan sýdıalar qyzmetke kirisýdiń aldynda bir jyldyq stajırovka men birjyldyq synaqtan ótýi tıis.
Búgin Aqordada qaıta jasaqtalǵan Úkimettiń alǵashqy keńeıtilgen otyrysynda QR Prezıdenti Nursultan Nazarbaev osylaı málimdedi.
«Sýdıa laýazymyna kandıdattar úshin mindetti norma - sot úderisterindegi bes jyldyq eńbek ótili bolýy kerek. Kásibı daǵdylar men ony qoldanýlaryna sıtýatsııalyq testiler engiziledi. Birinshi ret taǵaıyndalyp otyrǵan sýdıalar óz qyzmetterine kirisýdiń aldynda sottarda bir jyldyq taǵylymdamadan ótýleri kerek. Stıpendııasy tólenetin osy bir jyldyq taǵylymdamany aıaqtaǵan soń sýdıalar bir jyldyq synaq merziminen ótedi. Mine, sodan soń baryp qana qyzmetke kirisýleri tıis», - dedi N. Nazarbaev.
Sonymen qatar, Memleket basshysy ózara baılanysty kúsheıtý jáne sot tájirıbelerine oqytý máselelerine de toqtaldy. «Mundaı ınstıtýt QR Joǵarǵy soty janynan qurylyp, sýdıalardyń biliktiligin arttyrýmen udaıy aınalysýy kerek», - dedi Elbasy.
