Alǵash ret obyrdy jeńgen balalar arasynda respýblıkalyq jarys ótedi
NUR-SULTAN. QazAqparat - Elimizde tuńǵysh ret ótkiziletin balalar men jasóspirimder arasyndaǵy I respýblıkalyq chempıondar oıyny sporttyń 6 túrinen ótedi, dep habarlaıdy QazAqparat tilshisi.
Aıtýly sporttyq básekege elimizdiń barlyq óńirinen 3 pen 18 jas aralyǵyndaǵy onkologııalyq aýrýlardy jeńgen 100-ge jýyq balalar men jasóspirimder qatysady. Sondaı-aq, olardyń qatarynda aǵzalary transplantatsııalanǵan balalar da bar.
Uıymdastyrýshylardyń aıtýynsha, atalǵan sharanyń basty maqsaty - onkologııalyq aýrýlarmen aýyrǵan jáne aǵzalary transplantatsııalanǵan balalarǵa kómek, qoldaý kórsetý. Jáne de onkologııalyq aýrýdyń aldyna alý men saqtaný kerektigine qoǵamnyń nazaryn aýdarý.
«Chempıondar oıyny - bul balalarǵa, olardyń ata-analary jáne olardy emdeýshi dáriger men medıtsınalyq qyzmetkerlerdi yntalandyrý. Sol sııaqty bizdiń ortamyzda osyndaı adamdardyń baryn jáne olardyń da tolyqqandy ómir súre alatynyn kórsetý. Onyń ústine qaterli isikke (rak) sońynda kóz jumady degen túsinikti joıý. ıAǵnı, atalǵan dertti ýaqytynda qolǵa alǵan jaǵdaıda jeńýge ábden bolady. Biz uıymdastyrǵaly otyrǵan sporttyq sharaǵa qatysatyn balalar sonyń kýási bolyp tabylady», - dedi «Ana men bala» ulttyq ǵylymı ortalyǵynyń dırektory Bekbaı Haırýlın.
Chempıondar jarysy kelesi sport túrleri boıynsha ótedi: jeńil atletıka (60 metrge júgirý), «Asyq atý» ulttyq oıyny, ústel tennısi, atý (pnevmatıkalyq vıntovka 10 metr), kishi fýtbol jáne shahmat (shveıtsar júıesi boıynsha).
Ústimizdegi jyldyń 1 - 2 maýsymynda Nur-Sultan qalasynda ótedi.
Ortalyqtyń deregine súıensek, jyl saıyn Qazaqstanda ortasha eseppen balalar arasynda 600-ge jýyq qaterli isikke shaldyǵý oqıǵasy anyqtalady.Odan bólek, búginde 4 myńǵa jýyq bala baqylaý esebinde tur, onyń ishinde 300-ge jýyǵy arnaıy terapııa qabyldaıdy.
