Alǵash ret mektep oqýshylary arasynda shahmattan respýblıkalyq olımpıada ótedi
Olımpıada 10 qańtarda elimizdiń barlyq óńiri men mektebinde bastalady. Osyndaı is-sharalar uıymdastyrý arqyly mınıstrlik elimizdegi shahmat qozǵalysyna qoldaý kórsetýdi josparlap otyr.
«Prezıdenttiń qoldaýymen «Mekteptegi shahmat» jobasy júzege asyrylyp jatyr. Shahmat fakýltatıv retinde 28 myńǵa jýyq balaǵa arnalǵan 654 mektepte engizildi. Sondaı-aq mektepterde shahmat sektsııasynyń sany 10 myńnan asty. Shahmat qozǵalysyn odan ári qoldaý maqsatynda bıyl mınıstr Ashat Aımaǵambetovtiń tapsyrmasymen oqýshylar arasynda shahmattan olımpıada ótkizilgeli otyr. Jeńimpazdar men júldegerler medaldarmen, kýboktarmen jáne dıplomdarmen marapattalady. Bul oqýshylardyń shahmat qozǵalysyna qyzyǵýshylyǵyn oıatýǵa septigin tıgizedi. Bul - mektep, aýdandyq, qalalyq, oblystyq jáne respýblıkalyq kezeńderden turatyn aýqymdy týrnır. Ár mekteptiń qatysqany mańyzdy», – deıdi Orta bilim komıtetiniń tóraǵasy Gúlmıra Kárimova.
Mektepterde ashylǵan sektsııalardan bólek, 60 myń oqýshy qosymsha bilim berý uıymdaryndaǵy 3,5 myń shahmat úıirmesinde shahmatpen aınalysady.
Buǵan deıin mınıstr Ashat Aımaǵambetov mınıstrlik pen Shahmat federatsııasy arasyndaǵy oqý-ádistemelik quraldardy daıyndaý, shahmat týrnırlerin ótkizý jáne jattyqtyrýshylar men muǵalimderdiń biliktiligin arttyrý boıynsha birlesken jumysqa qatysty kelisimder týraly aıtqan bolatyn.
