Alǵash ret G20 sammıti Afrıka qurlyǵynda ótip jatyr

ASTANA. KAZINFORM — Ońtústik Afrıka Respýblıkasynyń Iohannesbýrg qalasynda prezıdent Sırıl Ramafosynyń tóraǵalyǵymen «Úlken jıyrmalyq» (G20) kóshbasshylarynyń sammıti bastaldy, dep habarlaıdy Anadoly.

G20 sammıti 22-23 qarasha kúnderi «Bereke, teńdik jáne turaqty damý» uranymen ótýde.

G20 tobyna kiretin elder álemdegi ekonomıkalyq óndiristiń 85%-yn jasap, saýdanyń 75%-yn júrgizedi. Sondaı-aq, bul elder álem halqynyń eki úshinshisin qamtıdy. ıAǵnı, álemdik ekonomıka men saýdaǵa olardyń yqpaly óte zor. Sammıt barysynda osy elder ekonomıkanyń keleshegin qalyptastyratyn mańyzdy ózgerister men reformalardy talqylaıdy.

Birinshi sessııada jahandyq qarjy men ekonomıkalyq júıeni nyǵaıtý, jahandyq retsessııa men protektsıonızmge qarsy is-sharalar, sondaı-aq turaqty ósimge kóshý máseleleri qarastyrylady.

Ekinshi sessııada tabıǵı apattar qaýpin azaıtý, klımattyń ózgerýimen kúresý, ádil energetıkalyq kóshý men azyq-túlik júıesin nyǵaıtý máseleleri talqylanady. 

Úshinshi sessııada álemdik ekonomıka úshin mańyzdy mıneraldardy óndirý jáne saýda máseleleri, sondaı-aq jasandy ıntellekt máseleleri qarastyrylady.

Afrıka kontınentinde birinshi ret ótkizilip jatqan G20 sammıti Afrıka Odaǵynyń turaqty múshe retinde qatysýymen erekshelenedi. Sammıtte Afrıka Odaǵy atynan komıssııa tóraǵasy Mahmýd Alı ıÝsýf qatysady.

G20 quramyna 19 memleket pen eki aımaqtyq birlestik (Eýropalyq Odaq pen Afrıka Odaǵy) kiredi. G20-ǵa Argentına, Aýstralııa, Brazılııa, Ulybrıtanııa, Germanııa, Úndistan, Indonezııa, Italııa, Kanada, Qytaı, Meksıka, Reseı, Saýd Arabııasy, AQSh, Túrkııa, Frantsııa, OAR, Ońtústik Koreıa, Japonııa, Eýropalyq Odaq jáne Afrıka Odaǵy kiredi.

Shaqyrylǵan elder qatarynda Mysyr, Birikken Arab Ámirlikteri, Nıgerııa jáne Vetnam bar.

Sammıtke Túrkııa prezıdenti Rejep Taııp Erdoǵan, Frantsııa prezıdenti Emmanıýel Makron, Úndistan premer-mınıstri Narendra Modı, Germanııa kantsleri Frıdrıh Merts, Ulybrıtanııa premer-mınıstri Kır Starmer, Brazılııa prezıdenti Lýıs Inasıý Lýla da Sılva, Italııa premer-mınıstri Djordja Melonı, Japonııa premer-mınıstri Takaıtı Sanae, Kanada premer-mınıstri Mark Karnı, Avstralııa premer-mınıstri Entonı Albaneze, Eýropalyq Keńes tóraǵasy Antonıý Koshta, Eýropalyq Komıssııa tóraıymy Ýrsýla fon der Lıaıen jáne BUU Bas hatshysy Antonıý Gýterrısh qatysyp jatyr.

Qytaı atynan Memlekettik Keńes premeri Lı Tszıan, Reseı atynan Prezıdent ákimshiligi basshysynyń orynbasary Maksım Oreshkın qatysady. Argentına men Meksıkany syrtqy ister mınıstrleri ókildik etedi.

AQSh Prezıdenti Donald Tramp G20 sammıtine qatysýdan bas tartty, ıÝAR-daǵy aq násildi azshylyqqa qatysty «násildik kemsitýshilik» aıyptaryn sebep etip kórsetti. AQSh delegatsııasyn Pretorııadaǵy AQSh elshiliginiń ýaqytsha qyzmet atqarýshysy Mark D. Dıllard basqarady.

Sammıt barysynda tóraǵalyqty OAR-dan AQSh-qa berý rásimi ótedi.

Iohannesbýrgtegi G20 sammıti qarsańynda qaýipsizdik sharalary kúsheıtildi.

Budan buryn 2026 jyly «Úlken jıyrmalyq» (G20) sammıti AQSh-tyń Florıda shtatyndaǵy Maıamı qalasynda ótetini habarlandy.