Alǵash ret býllıngke qarsy respýblıkalyq forým ótti
ASTANA. KAZINFORM – Búgin Astanada býllıng taqyryby ashyq talqylanǵan alǵashqy respýblıkalyq forým ótti. Oǵan eldiń túkpir-túkpirinen kelgen 300-den astam muǵalim men psıholog qatysty.
Forýmnyń maqsaty – jalpy býllıngtiń aldyn alý joldary boıynsha tájirıbe almasý. Jıynda psıhologter bul baǵyttaǵy óz tájirıbelerimen bólisip, tıimdi ádis-tásilderdi talqylady.
- Bul forým psıhologter úshin mańyzdy. Búgin olarǵa býllıngti aıqyndaıtyn negizgi úsh krıterıı bar ekeni jan-jaqty túsindirildi. Sondaı-aq KiVa sabaqtaryn tıimdi uıymdastyrý tetikteri men áreket etý algorıtmi de tanystyryldy, - dedi «Nazarbaev zııatkerlik mektepteri» DBBU basqarma tóraǵasynyń orynbasary Sabyrjan Sadýaqasov.
Qazir Qazaqstandaǵy 110 mektepte pılottyq rejımde KiVa baǵdarlamasy qoldanylyp jatyr. Joba ózgege kúsh kórsetýge beıim oqýshylardyń minez-qulqyn túzetýge baǵyttalǵan. Baǵdarlamanyń nátıjesi boıynsha byltyr balalar arasyndaǵy býllıng 30%-ǵa tómendegen. Sondaı-aq, oqýshylardyń 63%-y muǵalimderdiń keńesinen keıin býllıng toqtaǵanyn aıtqan. Jalpy jobanyń algorıtmi oqýshylar, pedagogter men ata-analardy qamtıdy.
- Jobany Fınlıandııadaǵy Týrký ýnıversıtetiniń ǵalymdary ázirlegen. Qazirgi tańda baǵdarlama álemniń 16 elinde qoldanylady. Joba pılottyq rejımde 79 aýyldyq mektep pen 22 Nazarbaev zııatkerlik mektebinde júzege asyryldy. Al bıyldan bastap tájirıbege engizildi. Platforma arqyly oqýshylar synyptastary arasynda býllıng jaǵdaıyn baıqaǵan kezde ne isteý kerektigin, kimge júginý qajettigin naqty túsine alady, - dedi Sabyrjan Sadýaqasov.
Forým negizinde elimizde psıhologterdiń assotsıatsııasy quryldy. Bul qaýymdastyq mamandarǵa ózekti suraqtaryn talqylaýǵa múmkindik beredi. Psıhologter ózara tájirıbe almasady.
Mamandardyń sózinshe, aldaǵy ýaqytta qaýymdastyqtyń qyzmeti Orta Azııa elderin de qamtıdy.
Aıta keteıik, Brazılııada 10 jasóspirimniń tórteýi mekteptegi býllıngke ushyraıdy.