Alǵash ret Azııadan altyn aldyq
ASTANA. 14 qarasha. QazAqparat - Qytaıda jaǵajaı voleıbolynan Azııa chempıonaty aıaqtalyp, Qazaqstan quramasynyń jigitteri men qyzdary asa joǵary nátıjege qol jetkizip, jalpykomandalyq esepte birinshi orynǵa ıe boldy.
Erler arasyndaǵy Alekseı Sıdorenko jáne Aleksandr Dıachenko juby tuńǵysh ret birinshi orynǵa ıe bolyp, Azııa chempıondary atandy. Al áıelder arasyndaǵy Tatıana Mashkova jáne Irına Tsımbalova juby qola júldege ıe boldy.
Bıylǵy maýsymnyń sońynda, Qazaqstan áýedobynyń 85 jyldyq mereıtoıy jyly jaǵajaı voleıbolyndaǵy Denıs Rovkın jatttyqtyratyn qyz-jigitterimiz osyndaı eren jetistikke qol jetkizip otyr. Joǵaryda jazǵanymyzdaı, alǵash ret Azııa chempıonattarynan altyn medal oljaladyq. Al sary qurlyqta basqa elde altyn alý ońaı emes. Mysaly, jaǵajaı voleıbolynan byltyrǵy Azııa chempıonatynda bizdiń qyz-jigitterimiz tóreshiler ádiletsizdigine tap bolyp, besinshi orynnan joǵary kóterile almaǵan. Tipti byltyrǵy doda aıaqtalysymen, Qazaqstan voleıbol federatsııasy Azııa voleıbol federatsııasyna shaǵym túsirgen de, dep jazady «Alash aınasy» respýblıkalyq basylymy.
Jaǵajaı voleıbolyndaǵy qyz-jigitterimiz mundaı eren jetistikke jetý úshin uzaq júrdi, kóp ter tókti. Mysaly, Alekseı Sıdorenko men Aleksandr Dıachenko juby Azııa chempıony ataǵyna bes jylda jetti. 2009 jáne 2010 jyldary tórtinshi oryndy kóńilge medeý tutýǵa týra kelse, 2011 jyly qola medal enshiledi. Al byltyr besinshi orynmen shekteldi.
Qazaqstan juptarynyń 2013 jylǵy Azııa chempıonatyndaǵy oryndary
Alekseı Sıdorenko/Aleksandr Dıachenko - altyn medal,
Tatıana Mashkova/Irına Tsımbalova - qola medal,
Dmıtrıı ıAkovlev/Alekseı Kýleshov - 4-oryn,
Baqtygúl Samalıkova/Aleksandra Varasova - 9-oryn.
Qazaqstan juptarynyń Azııa chempıonattaryndaǵy júldeleri
erler
2013 (Qytaı) - altyn (Alekseı Sıdorenko/Aleksandr Dıachenko)
2011 (Qytaı) - qola (Alekseı Sıdorenko/Aleksandr Dıachenko)
2009 (Qytaı) - kúmis (Alekseı Kýleshov/Dmıtrıı ıAkovlev)
2006 (Iran) - kúmis (Aleksandr Dıachenko/Alekseı Kýlınıch)
2004 (Vetnam) - qola (Oleg Kıselev/Pavel Zabýslaev)
2002 (Vetnam) - kúmis (Dmıtrıı Vorobev/Pavel Zabýslaev)
áıelder
2013 (Qytaı) - qola (Tatıana Mashkova/Irına Tsımbalova)
2010 (Qytaı) - kúmis (Tatıana Mashkova/Irına Tsımbalova)
