Alǵash ret áıel adam Gonkongtyń basshysy bolyp saılandy
ASTANA. QazAqparat - Gonkong ákimshiliginiń jańa basshysy bolyp Kerrı Lam saılandy, ol erekshe avtonomııalyq aýdan tarıhyndaǵy bul orynǵa saılanǵan alǵashqy áıel.
Lam kandıdatýrasyna Beıjiń qoldaý jasady. Onyń jeńisine kúmán keltirgender az. Ákimshilik basshysyn jalpy saılaý emes, basym bóligi Qytaı úkimetiniń múddelerin qoldaıtyn saılaýshylarǵa tıesili quramynda 1200 múshesi bar komıtet saılaıdy.
Daýys berý ótken ǵımarat mańyna Kerrı Lam kandıdatýrasyn bekitýge qarsy narazylyq bildirgen demokratııalyq qozǵalystyń jaqtastary jınaldy.
Saılaýshylar saýalynyń nátıjesine zer salsaq, onyń basty qarsylasy burynǵy qarjy mınıstri Djon Tsan boldy. Úshinshi kandıdat otstavkadaǵy sýdıa Vý Kvok Hın.
2014 jyly Gonkongte erkin jalpyǵa birdeı saılaý ótkizýdi talap etken demokratııalyq baǵytty ustanǵan stýdentterdiń qyzý demonstratsııasy ótken. Bul búlikti ortalyq bılik basqan bolatyn.
1200 músheden turatyn Gonkong saılaý komıteti Kerrı Lamnyń kandıdatýrasyna daýys berdi. Ol shildede otstavkaǵa ketetin ákimshilik basshysy Lıan Chjenınniń ornyn basady.
Kerrı Lam onyń orynbasary bolǵan. Ol túrli memlekettik organdardy basqarǵan, «kútýshi» degen laqap esimi bar.
