Alǵabastaǵy qısaıǵan úıge qatysty qurylys kompanııasy esep berdi
ALMATY. QazAqparat - Alǵabasta qabyrǵalary qaqyraı bastaǵan №1/155 úı týraly qurylys kompanııasy túsinikteme berdi.
«Astana qurylys» Ulttyq qurylys kompanııasy AQ prezıdenti Murat Bojımovtyń aıtýynsha, qazirgi tańda Qazaq qurylys jáne sáýlet ǵylymı jobalaý ınstıtýty AQ usynymdaryna sáıkes úıdi vertıkaldy qalypqa keltirý jumystary júrip jatyr.
«Úıdiń irgesi 10-12 sm qısaıǵan. Alǵashqy kezeń boıynsha 12 núkteni bekittik. Endi ekinshi kezeńge kóshtik. QQSǴJI AQ usynymdaryna sáıkes fıltrge qarsy ekran ornatyp jatyrmyz. Úshinshi kezeńde irgetasty tirep turǵan baǵandy ornatamyz. Baǵan monolıtti betonnan quıylady», - dedi Bojımov.
Onyń aıtýynsha, barlyq jumystar Sáýlet ınstıtýtynyń qadaǵalaýymen júzege asyrylyp jatyr.
Qabyrǵanyń qanshalyqty qısaıǵany kúndelikti baqylanyp otyr.
Al qala bıligi turǵyndardy kóshirý qajettigi bar-joǵy jaıly áli aqparat bermedi.
Aıta ketý kerek, Alǵabas shaǵyn aýdanyndaǵy úıler Memlekettik baǵdarlama boıynsha salynǵan bolatyn. Ótken jyly №1/136 úıdiń keregeleri shytynap, 32 sm-ge qısaıǵan soń turǵyndar qaýipsiz jerge kóshirilip edi.
