Alǵa qalasyndaǵy órtten soń aýdan men 7 aýyl jaryqsyz, sýsyz qaldy
Buǵan deıin habarlaǵanymyzdaı, Aqtóbe oblysyndaǵy Alǵa aýdanyndaǵy elektr stansasy órtendi. Órt kezinde jaralanǵan eshkim joq.
Qutqarýshylar oqıǵa ornyna barǵan soń ǵımarattyń kireberis qaqpasyn buzyp ashty. Órtti sóndirý kezinde barlyq qaýipsizdik erejesi saqtaldy. Kóbik shashty. Qutqarýshylar órttiń kórshiles qosalqy stansa sektsııasyna tarap ketpeýin qamtamasyz etti. Aldyn ala derekter boıynsha órt alańy – 50 sharshy metr.
Órtten keıin aýdan men birneshe aýyl jaryqsyz qaldy.
«Bir saǵattyń kóleminde jaryq qosylady. Rezervtik transformator bar. Qazirgi ýaqytta aýdanǵa qarasty 7 aýylda jáne Alǵa qalasy jaryqsyz. Atalǵan másele oblys basshylyǵynyń baqylaýynda», - dedi oblys ákimi apparatty basshysynyń orynbasary Erjan Baıtanaev.
Aıta keteıik, aýdanda elektr jaryǵymen qatar aýyz sý da joq. Oblystyq TJD bastyǵy Marǵulan Amanbaevtyń aıtýynsha, elektr stansasynda 20 tonna maı bolǵan. Ony sýytyp, órttiń odan ári órshýine jol bermegen.
Vıdeodan alynǵan kadr
