Áleýmettik jelilerde jarııalanǵan aqparatqa kúndelikti monıtorıng jasalady - Jandos Ómirálıev
ASTANA. KAZINFORM – Kazinform agenttiginiń BIZDIÑ ORTA podkastynda QR Bas prokýrorynyń orynbasary Jandos Ómirálıev jýrnalıstik zertteýler men áleýmettik jelilerde qyzý qoǵamdyq pikir týdyrǵan jáıtterge prokýratýranyń den qoıýyna qatysty pikir bildirdi.
– Qazir kez kelgen quqyq qorǵaý organdarynyń isteri nemese qujattary áleýmettik jelilerge jarııalanyp, oǵan qatysty túrli pikirler aıtylyp jatady. Árıne, bul – bizdiń nazarymyzǵa túsetin mańyzdy sıgnal. Alaıda, biz sheshim qabyldaý kezinde emotsııaǵa berilmeı, tek naqty derekterge súıenemiz. Bizdiń basty qaǵıdamyz – zańnyń ústemdigi, – dedi J. Ómirálıev.
Onyń aıtýynsha, áleýmettik jelilerde jarııalanǵan materıaldar zańǵa sáıkes jaryq kórgen jaǵdaıda, ıaǵnı sot nemese tergeý protsesine aralaspasa jáne qysym belgileri bolmasa, prokýratýra bul málimetterdi nazarǵa alady.
– Tek jýrnalıster ǵana emes, jalpy qoǵam men áleýmettik jelilerde jarııalanǵan aqparatqa kúndelikti monıtorıng júrgizemiz. Barlyq aqparat sheshim qabyldaý kezinde eskeriledi, biraq sheshimniń ózi tek zań aıasynda qabyldanady, – dep túıindedi Bas Prokýrordyń orynbasary.
Eske salsaq, bıyl sáýir aıynda Bas Prokýrordyń orynbasary Ǵalymjan Qoıgeldıev izdeýde júrgen kúdiktilerge qatysty pikir aıtty.