Áleýmettik jelige kúnine qansha ýaqyt jumsaǵan jón

ASTANA. KAZINFORM — Eresek adam úshin áleýmettik jelide ótkiziletin qaýipsiz ýaqyt kúnine 40 mınýttan, al bala úshin 30 mınýttan aspaýy kerek. Bul týraly Reseı ǵalymy málimdedi, dep jazdy RIA Novostı.

Reseı ǵylym akademııasy N. P. Behtereva atyndaǵy adam mıy ınstıtýtynyń ǵalymy Mıhaıl Dıdýr aqparattyq gıgıenanyń mańyzdylyǵyn atap ótti. Ol zerikken adam áleýmettik jelide saǵattap otyrmaǵan jón ekenin aıtty.

— Men áleýmettik jeli úshin kúnine 20-40 mınýt jetkilikti dep esepteımin. Balaǵa da jarty saǵat ýaqyt jeter edi, — dedi Dıdýr.

Ǵalym aqparatty sanaly tutyný daǵdylaryn damytý úshin eń aldymen, balalar men jasóspirimderge arnalǵan áleýmettik medıany paıdalaný nusqaýlaryn qurý qajettigin eskertti.

Osyǵan deıin QR Mádenıet jáne aqparat mınıstrligi balalardy áleýmettik jelidegi qaýipti kontentten qorǵaýǵa qatysty túsinik berdi.