Áleýmettik jelide ultaralyq arazdyqty qozdyrǵan áıel adam ustaldy

ALMATY. KAZINFORM – Áleýmettik jelide ultaralyq arandatýshylyq jáne balaǵat sózder aıtqan áıeldiń beınejazbasy tarady. 

Almaty qalasynyń Polıtsııa departamenti beınejazbaǵy áıeldiń ustalǵanyn málimdedi.

- Óz sózinde ádepsiz sózderdi qoldanyp, ultaralyq balaǵat sózder aı̆tqan almatylyq turǵyn ustaldy. Atalǵan derek boı̆ynsha sotqa deı̆ingi tergeý amaldary júrgizilýde. Sonymen qatar tergeý basqa da kúdiktilerdiń áreketin zerdeleýde, olarǵa tıisti quqyqtyq baǵa beriletin bolady, - dep habarlaıdy.

Sondaı̆-aq, Polıtsııa departamenti azamattardy sabyr saqtaýǵa, arandatýshylyqqa boı̆ aldyrmaýǵa jáne zańsyz áreketterden aýlaq bolýǵa shaqyrdy.

Eske salaıyq, búgin Aqmola oblysynda mas kúıinde balaǵat sózder aıtyp, áleýmettik jelide ulttyq ar-namysty qorlaǵan turǵyn ustalǵan edi.