Áleýmettik jelide teris dinı aǵymdy nasıhattaǵan 40 jastaǵy turǵyn jaýapqa tartyldy
Áleýmettik jelide teris dinı aǵymdy nasıhattaǵan 40 jastaǵy shymkenttik jaýapqa tartyldy, dep habarlaıdy Kazinform.
Teolog mamandardyń qorytyndysyna sáıkes, azamat QR-nyń dinı qyzmet jáne dinı birlestikter týraly zańnamasyn buzǵan. Zań buzýshyǵa qatysty QR ÁQBtK-niń 490-babymen hattama toltyrylyp, sot sheshimimen 50AEK kóleminde aıyppul salyndy.
«Ekstremızmge qarsy is-qımyl basqarmasynyń qyzmetkerleri jedel-profılaktıkalyq is-sharalar kezinde aqparattyq júıege monıtorıng júrgizdi. Teris dinı mazmundaǵy kitaptardy satýmen jáne sol tektes aqparattardy taratýmen aınalysatyn ǵalamtor betterin saralady. Nátıjesinde, áleýmettik jelige jat aǵymdaǵy beıne materıaldardy júktegen 40 jastaǵy qala turǵyny kúdikke ilindi» - delingen Shymkent qalasy polıtsııa departamentiniń baspasóz qyzmeti taratqan aqparatta.
