Aqtóbede naýqas áıelge bólesi bir búıregin berdi

AQTÓBE. KAZINFORM - Aqtóbede 33 jastaǵy naýqasqa ota jasaldy. Atyraýlyq áıelge bólesi bir búıregin berdi.

Aqtóbe medıtsına ortalyǵynda aǵza aýystyrý otasy jasaldy. Bul joly Atyraý qalasynyń 33 jastaǵy turǵyny em qabyldady. Ol 2022 jyldan beri gemodıalız qabyldaıdy. 

- Naýqasqa 26 jastaǵy bólesi donor boldy. Donor men retsıpıenttiń analary bir týǵan. Otany hırýrg A. Elemesov, T. Súıindikov, anestezıolog M. Qýanyshev, medbıke A. Mahambetalıev jasady. Al hırýrg - transplantolog N. Mýsın, M. Rysmahanov, J. Álmyrzauly otaǵa daıyndady. Ota 5 saǵatqa sozyldy. Eki adamnyń da jaǵdaıy qalypty, - dep habarlady Aqtóbe medıtsına ortalyǵy.

2014 jyldan beri munda 81 týystyq búıgek aýystyrý otasy jasaldy. 

Eske salsaq, Túrkistan oblysynda alǵash ret baýyr transplantatsııasy jasaldy. Anasyna qyzy baýyryn bólip berdi.