Áleýmettik jelide mas kúıde balaǵat sózder aıtqan turǵyn ustaldy

ORAL. KAZINFORM – Áleýmettik jelide arandatýshylyq sózder aıtylǵan beınejazba tarady.

Onda ózin Semen Agafonov dep tanystyrǵan adam Ýkraınada týyp, Qazaqstanda turatynyn aıtady. Ulttyq ar-namysqa tıetin balaǵat sózder aıtylǵan rolıkte Oral, Batys Qazaqstan dep kórsetilgen.

BQO Polıtsııa departamentiniń baspasóz qyzmeti atalǵan adamnyń Aqmola oblysynyń turǵyny ekendigin jetkizdi. Aqmola oblystyq Polıtsııa departamenti mas kúıinde balaǵat sózder aıtqan, sondaı-aq sóılegen sózinde ulttyq ar-namysty qorlaǵan turǵynnyń ustalǵanyn málimdedi.

«Osy fakti boıynsha sotqa deıingi tergep-tekserý bastaldy. Sonymen qatar balaǵat sózder boıynsha ákimshilik is qozǵaldy. Іs materıaldary qaraý jáne tıisti sharalardy qabyldaý úshin sotqa joldandy. Polıtsııa departamenti azamattardy sabyrly bolýǵa, arandatýshylyqqa berilmeýge jáne zańsyz áreketterden aýlaq bolýǵa shaqyrady. Polıtsııa elimizdiń barlyq turǵyndarynyń múddelerin qorǵaýdy jáne quqyqtyq tártipti qamtamasyz etýdi jalǵastyryp jatyr», - dep habarlady vedomstvodan.