Áleýmettik jelide kúnine bir saǵattan artyq otyrmańyzdar – Baǵdat Mýsın
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Jibek Joly arnasyna bergen suhbatynda qazaqstandyqtarǵa áleýmettik jelide bir saǵattan artyq otyrmaýǵa keńes berdi, dep habarlaıdy Kazinform.
«Men ózimdi qatań baqylaýda ustaımyn. Óıtkeni ınternette kóp ýaqyt ótkizý – seniń shynaıy ómirińdegi ýaqytty jep qoıady. Sondyqtan adamdarǵa jumysta da, úıde de ınternet qoldanýdy úıretý kerek. Jalpy gıgıena bolýy kerek. Jumysynda otyryp áleýmettik jelige ýaqytyn qurtatyn adamdar qazir kóp», - dedi mınıstr.
Vedomstvo basshysy Jibek Joly efırin paıdalanyp, qazaqstandyqtarǵa qaıyryldy.
«Efırdi paıdalanyp barshaǵa óz pikirimdi aıta keteıin. Meniń pikirim – adamnyń áleýmettik jelige jumsaıtyn ýaqyty bir saǵattan aspaýy kerek. Bir kúnde 24 saǵat bolsa, onyń 8 saǵaty jumysta ótedi. Óziń arnaıtyn qalǵan bos 4 saǵattyń bárin ınternetke qurtpaý kerek. Jumysqa baılanysty bolsa da, jumysqa qatysy bolmasa da, kúnine bir saǵattan artyq áleýmettik jelide otyrý eshqandaı paıda bermeıdi», - dedi Baǵdat Mýsın.
