Áleýmettik jelide QQS úshin ótemaqy tóleıdi degen jalǵan aqparat tarady
Messenjer men áleýmettik jelilerde QR Eńbek jáne halyqty áleýmettik qorǵaý mınıstrligi QQS úshin ótemaqy engizgeni týraly aqparat shyndyqqa janaspaıdy, dep habarlaıdy Kazinform.
Messenjerde Eńbekmıni QQS úshin ótemaqy tólemin engizgeni týraly shyndyqqa janaspaıtyn aqparat tarap jatyr.
Taǵaıyndalǵan qarajatty aýdarý úshin belgisiz azamattar siltemege ótýdi usynady.
«Áleýmettik kómektiń mundaı túri joq ekenin habarlaımyz. Tıisinshe habarlamada kórsetilgen silteme alaıaqtar úshin azamattardyń jeke derekterin alý tásili bolýy múmkin. Alaıaqtarǵa aldanbas úshin siltemege ótpeýge keńes beremiz» dep eskertti mınıstrlikten.
Memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylady.
«Azamattardan tek resmı kózderdegi aqparatty paıdalanýyn suraımyz. Jalǵan aqparat taratý zańmen jazalanatynyn esterińizge salamyz» deıdi vedomstvodan.
