Áleýmettik jelide beıádep sóz aıtqan Shymkent turǵyny qamaýǵa alyndy

Áleýmettik jelilerde quqyqqa qaıshy kontenttiń taralýyna jol bermeý jáne qoǵamdyq tártipti buzatyn áreketterdiń aldyn alý maqsatynda Shymkent qalasynyń Polıtsııa departamenti áleýmettik jelilerge turaqty túrde monıtorıng júrgizedi.

Kezekti monıtorıng barysynda 39 jastaǵy qala turǵyny Qýanyshbek Ýmarbekovtiń TikTok áleýmettik jelisindegi tikeleı efırde balaǵat sózder aıtyp, qoǵamdyq tártipti buzǵany anyqtaldy.

Atalǵan quqyq buzýshylyq úshin er adam 10 táýlikke ákimshilik qamaýǵa alyndy.

Polıtsııa áleýmettik jelilerdegi tikeleı efırler men ózge de jarııalanymdar zań talaptaryna sáıkes bolýy tıis ekenin eskertti. Laık, qaralym nemese tanymaldyq úshin qoǵamdyq tártipti buzý, ádepsiz áreketter jasaý jáne quqyqqa qaıshy kontent taratý zańnamada belgilengen jaýapkershilikke ákep soǵady.

Zań tsıfrlyq keńistikte de barshaǵa birdeı qoldanylady.

Astanada Instagram-daǵy beınejazbasy úshin er adam qamaýǵa alynǵanyn jazǵan edik.