Áleýmettik jelide áldekimder Pavlodar oblysy ákiminiń atynan paraqshalar ashqan

PAVLODAR. KAZINFORM - Áleýmettik jeliler men messendjerlerde paıda bolǵan jańa paraqshalarǵa Asaıyn Baıhanovtyń fotosýreti qoıylyp, onyń atynan qaramaǵyndaǵylarǵa hat jazylyp jatyr. Óńir basshysy bul alaıaqtardyń áreketi ekenin eskertti.

Pavlodar oblysynyń ákimi Asaıyn Baıhanov tek úsh resmı paraqshasy bar ekenin habarlady. Olar: Instagram jelisinde – @asaiyn.baikhan, Facebook-te - Asaıyn Baıhan jáne telegramda t.me/AsaiynBaikhan.

Aımaq basshysynyń aıtýynsha, keıingi kúnderi óziniń jáne birneshe memlekettik organ basshylarynyń atynan áleýmettik jelilerde paraqshalar ashylyp, qaramaǵyndaǵy birqatar qyzmetkerge jáne ózge de adamdarǵa habarlamalar jiberilgen. 

«Men sizderden telefon arqyly hat almasýda jáne qońyraýlarǵa jaýap bergende saqtyq tanytyp, abaı bolýdy suraımyn. Ókinishke oraı, alaıaqtyq shemalar jetildirilýde jáne kez kelgen adamnyń olardyń arbaýyna túsip qalýy ábden múmkin. Meniń atymnan meniń fotosýretim bar nómirden qońyraý nemese habarlama alsańyz, alaıda, nómir jasyrylǵan bolsa, onda bul – alaıaqtar. Sizderden asa saq bolýdy jáne abaı bolýdy suraımyn», - dep jazdy óziniń derbes paraqshalarynda ákim.

Sondaı-aq ol WhatsApp jáne Telegram messendjerlerindegi barlyq habarlamalardy óz nómirinen, jasyrmaı jiberetinin atap ótti.