Áleýmettik zertteý: Belarýs halqynyń 85,5 paıyzy prezıdent saılaýyna qatysady

ASTANA. KAZINFORM - Belarýs halqynyń 85,5 paıyzy Belarýs Respýblıkasy Prezıdentiniń saılaýyna qatysýdy josparlap otyr, dep jazady BELTA.

Bul zertteý derekterimen BELTA tilshisine ekonomıkalyq áleýmettaný jáne kásipkerlik qyzmet psıhologııasy kafedrasynyń meńgerýshisi, BGEÝ áleýmettik-gýmanıtarlyq zertteýler ortalyǵynyń jetekshisi Irına Lashýk bólisti. 

Respondentterge «Aldaǵy saılaýǵa qatysasyz ba?» degen suraqqa jaýap berý usynyldy. Olardyń 85,5 paıyzy «ıá», 4,8 paıyzy «joq» dep jaýap bergen. 9,7 paıyzy áli sheshim qabyldamaǵan. 

- Halyq saılaýǵa qatysyp, óziniń sanaly saıası, strategııalyq tańdaýyn jasamaq. Zertteý qoǵamdyq-saıası jaǵdaıdyń turaqtylyǵyn jáne qoǵamnyń birtutastyǵyn kórsetti, - dep atap ótti Irına Lashýk.

2024 jyldyń jeltoqsanynda Belarýs pen Serbııa arasynda áleýmettik qarsy saýalnama júrgizildi. Serbııada zertteýdi House off Win táýelsiz zertteý ortalyǵynyń qatysýymen Halyqaralyq saıasat jáne ekonomıka ınstıtýty uıymdastyrdy. Belarýste saýalnamany Belarýs memlekettik ekonomıkalyq ýnıversıtetiniń áleýmettik-gýmanıtarlyq zertteýler ortalyǵy júrgizdi.

Saýalnama úı-úıdi aralaý arqyly júrgizildi. Basty maqsat – belorýster men serbterdiń ózara qabyldaý erekshelikterin anyqtaý, eki el arasyndaǵy yntymaqtastyq pen dostyq qarym-qatynastardy damytýdyń perspektıvalyq baǵyttaryn anyqtaý.