Áleýmettik tólemder men qyzmetter tolyq tsıfrlandyrýǵa kóshedi
ASTANA. KAZINFORM — Qazaqstan Respýblıkasy Eńbek jáne halyqty áleýmettik qorǵaý mınıstrligi Biryńǵaı tsıfrlyq platformany kezeń-kezeńimen engizýdi jalǵastyrady. Joba Memleket basshysynyń memlekettik qoldaý sharalarynyń tıimdiligin arttyrý jáne bıýdjet shyǵystaryn ońtaılandyrý jónindegi tapsyrmalaryn oryndaý maqsatynda iske asyrylyp otyr. Bul týraly vedomstvonyń baspasóz qyzmeti málim etti.
Platforma memlekettik qyzmetterdi ortalyqtandyrylǵan túrde kórsetýdi jáne azamattardyń naqty muqtajdyǵy negizinde áleýmettik kómek usynýǵa kóshýdi qamtamasyz etip, qoldaýdyń ashyq, ataýly jáne tıimdi júıesin qalyptastyrady.
Birinshi kezeńde eńbek sharttary men uıymdardyń shtattyq kestesin tsıfrlandyrý boıynsha aýqymdy jumys júrgizildi. Búgingi tańda júıege 10 myńnan astam uıym qosylǵan.
Platforma aıasynda qazirdiń ózinde qamtamasyz etildi:
- jalpyǵa mindetti oqý sharalary boıynsha ótinimderdi tsıfrlyq formatta qabyldaý;
- qorǵanshylyq jáne qamqorshylyq salasyndaǵy memlekettik qyzmetterdi avtomattandyrý;
- tólemderdi alýshylarǵa tikeleı aýdarý úshin qazynashylyq organdarymen ıntegratsııalaý.
2026 jyly platformany odan ári damytý josparlanýda: elektrondyq úkimet portaly arqyly ótinimder qabyldaýdy iske qosý, tólemderdiń qaıtarylýyn avtomatty túrde baqylaý servısin engizý, sondaı-aq jergilikti atqarýshy organdar kórsetetin áleýmettik kómektiń qosymsha 13 sharasyn avtomattandyrý kózdelgen.
Mınıstrlik zamanaýı tsıfrlyq sheshimderdi qoldana otyryp, Biryńǵaı tsıfrlyq platformanyń fýnktsıonalyn keńeıtý jáne halyq úshin memlekettik qyzmetterdiń qoljetimdiligin arttyrý boıynsha jumysty jalǵastyrady.
Al bıyl áleýmettik tólemder kólemi óse me myna siltemeden oqyńyz.
