Áleýmettik tólem qalaı ózgeredi: mınıstr muqtaj otbasylardy qoldaý tetigin túsindirdi
ASTANA. KAZINFORM — 2027 jylǵy 1 qańtardan bastap Qazaqstanda otbasynyń muqtajdyǵy deńgeıin baǵalaý kezinde tek tabys qana emes, sonymen qatar shyǵystar da eskeriletin bolady. Otbasylardyń kelisimimen bankter otbasylyq shottar men depozıtter týraly derekterdi usynady. Bul týraly Quryltaıdyń jalpy otyrysynda Eńbek jáne halyqty áleýmettik qorǵaý mınıstri Asqarbek Ertaev málim etti.
Onyń aıtýynsha, qazirgi ýaqytta áleýmettik salada qajettilikke negizdelgen qaǵıdat engizilip jatyr. Soǵan sáıkes memlekettik qoldaý tek shynymen muqtaj azamattarǵa ǵana kórsetiledi.
Otbasynyń ál-aýqatyn baǵalaý úshin «Otbasynyń tsıfrlyq kartasyna» júıesi qoldanylady. Ol memlekettik derekqorlardan aqparat jınaqtap, 50-den astam kórsetkish negizinde otbasynyń jaǵdaıyn segiz negizgi baǵyt boıynsha baǵalaıdy.
— Bul rette jumyspen qamtylýy, tabys deńgeıi, jyljymaly jáne jyljymaıtyn múlik, qaryz kólemin, bilim deńgeıin jáne basqa da kórsetkishter qamtylady. Osy oraıda qarjylyq jáne áleýmettik jaǵdaıy týraly osy jalpy kóriniske súıene otyryp, júıe oǵan belgili bir sanatty taǵaıyndaıdy, — dep túsindirdi Ertaev.
Ol «A» sanaty joǵary tabys deńgeıin, al «V» sanaty aýqatty ekenin bildiretinin naqtylady. Jańa júıe aıasynda dál osy sanattarǵa baılanysty ózgerister bolady.
Sonymen qatar, 2027 jylǵy 1 qańtardan bastap baǵalaý tetigi keńeıtiledi. Mınıstr atap ótkendeı, ekinshi deńgeıli bankter járdemaqy alýshylar men olardyń otbasy músheleriniń kelisimimen bank shottary men depozıtter týraly aqparatty usynatyn bolady. Qarjylyq jaǵdaıdy baǵalaý kezinde kirister men shyǵystar da eskeriledi.
Ol derekqor júıesi kún saıyn jańartylyp otyratyndyqtan, otbasynyń qarjylyq jaǵdaıy aı saıyn qaralatynyn jetkizdi.
— Eger otbasy qazan aıynda «B» sanatynda bolyp, jeltoqsanda belgili bir táýekelderge baılanysty «C» sanatyna aýyssa, onda bul otbasyǵa memlekettik qoldaý sharalary dereý ári proaktıvti túrde bekitiledi. Bul aqparatty júıeli túrde jańartýǵa, adamdardyń qarjylyq jáne áleýmettik jaǵdaıyn eskerýge, sondaı-aq olardyń ál-aýqat deńgeıin qaıta baǵalaý úshin ýaqtyly áreket etýge múmkindik beredi, — dedi mınıstr.
Buǵan deıin habarlanǵandaı, Úkimet járdemaqylar tóleý sharttaryn bekitti.
Osy oraıda 2027 jylǵy 1 qańtardan bastap qoldanysqa engiziletin qujatqa tıisti járdemaqylar qamylǵan.
Atap aıtqanda, Premer-mınıstr Oljas Bektenov ataýly áleýmettik qoldaýdyń jańa júıesinde memleket óz-ózin qamtamasyz ete almaıtyn jandarǵa ǵana qoldaý kórsetetinin málim etti.
