Astanada áleýmettik osal toptarǵa tıesili 170 páterdi zańsyz rásimdeý áreketi áshkerelendi

ASTANA. KAZINFORM — Qarjylyq monıtorıng agenttigi Bas prokýratýranyń úılestirýimen Sot ákimshiliginiń ishki qaýipsizdik bólimshelerimen birlesip áleýmettik osal toptarǵa, onyń ishinde kópbalaly otbasylarǵa, jetim balalarǵa jáne múgedektigi bar adamdarǵa arnalǵan páterlerdi zańsyz ıemdený faktisi boıynsha tergeý bastady.

2014–2016 jyldary A.Baıjumanov «Tólendi» turǵyn úı-qurylys kooperatıvin basqara otyryp, paıshylardyń aqshalaı qarajatyn jymqyrýdyń aýqymdy shemasyn uıymdastyrǵany úshin 8 jylǵa bas bostandyǵynan aıyrylǵan.

Keıin páterlerdiń bir bóligi áleýmettik osal sanattaǵy azamattarǵa arnalǵan turǵyn úılerdiń qurylysy Astana qalasynyń ákimdigi salyp bitirgen.

— Bas bostandyǵynan aıyrý oryndarynan bosatylǵannan keıin A.Baıjumanov jańa zańsyz shema ázirlegen. Bul shema «ótken kúnmen rásimdelgen» jalǵan qujattardy paıdalaný arqyly páterlerdi zańsyz ıemdenýge baǵyttalǵan. Nátıjesinde 80-nen astam «jalǵan úlesker» jábirlenýshi dep tanylyp, ýákiletti uıymnan 170 jyljymaıtyn múlik nysanyna zańsyz quqyq alǵan. Páterlerdi óteýsiz alǵannan keıin Baıjumanov pen onyń sybaılastary olardy úshinshi tulǵalarǵa satýdy josparlaǵan, — delingen QMA habarlamasynda.

Osylaısha jalpy quny 2,3 mlrd teńgeden asatyn páterlerdi zańsyz ıemdený áreketiniń joly kesildi.

Kúdiktilerge qatysty qamaýda ustaý túrindegi bultartpaý sharasy tańdaldy.

Aıta ketelik Abaı oblysynda qurylys kompanııasy 64 úleskerdi aldaǵany týraly jazǵan edik.