Áleýmettik medıtsınalyq saqtandyrý qorynyń komıssııalyq syıaqy mólsherlemesi bekitildi
ASTANA.KAZINFORM – Densaýlyq saqtaý mınıstriniń 2026 jylǵy 17 aqpandaǵy buıryǵymen «Áleýmettik medıtsınalyq saqtandyrý qory» 2026 jylǵa arnalǵan komıssııalyq syıaqysynyń paıyzdyq mólsherlemesi bekitildi.
– Qazaqstan Respýblıkasy Úkimeti belgilegen shekti mólsher aıasynda Qordyń qyzmetin júzege asyrýǵa arnalǵan komıssııalyq syıaqynyń paıyzdyq mólsherlemesi esepti aıda Qordyń shotyna túsken aktıvterdiń 1,09 paıyzy kóleminde belgilensin, – delingen buıryq mátininde.
Buıryq qol qoıylǵan kúninen bastap qoldanysqa engiziledi jáne bıyl 1 qańtardan bastap quqyqtyq qatynastarǵa qoldanylady.
Eske sala keteıik, bıyldan bastap mindetti áleýmettik medıtsınalyq saqtandyrý jarnasy artady. Sondaı-aq búginde tegin kórsetilip júrgen birqatar medıtsınalyq qyzmet MÁMS júıesine ótedi. Áleýmettik osal toptar úshin jarna endi jergilikti bıýdjet esebinen tólenbek.
Prezıdent qol qoıǵan jańa zańda taǵy qandaı ózgerister bar? Onyń negizgi mazmunyn Kazinform agenttiginiń analıtıkalyq sholýshysy materıalynan oqı alasyz.
Aıta keteıik, áleýmettik medıtsınalyq saqtandyrý qory Qarjy mınıstrliginiń qaramaǵyna berildi.