Áleýmettik medıtsınalyq saqtandyrý qory basshysynyń orynbasaryna qatysty is tergelip jatyr

ASTANA. KAZINFORM – QR Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev Áleýmettik medıtsınalyq saqtandyrý qory tóraǵasynyń orynbasaryna qatysty isti tergeý barysyna pikir aıtty.

Іsti Antıkordyń aýmaqtyq departamenti tergep jatyr.

— Sybaılas jemqorlyq isi Shyǵys Qazaqstan óńiriniń turǵyndaryn emdeýge bólingen bıýdjet qarajatynyń jymqyrylýyna qatysty. Bul laýazym ıesi tergeý múddesi aıasynda qyzmetinen bosatyldy, - dedi D. Quraqbaev Senatta tilshiler suraǵyna jaýap bere otyryp.

Biraq ol osy is boıynsha Áleýmettik medıtsınalyq saqtandyrý qory tóraǵasy orynbasarynyń atyn atamady.

Budan buryn habarlanǵandaı, QR Sybaılas jemqorlyqqa qarsy is-qımyl agenttigi 2022 jyldan berý 60 adamdy izdestirip jatyr.