Áleýmettik mańyzy bar azyq-túlik arzandady
ASTANA. KAZINFORM – 2026 jylǵy 19 tamyzdaǵy jaǵdaı boıynsha esepti aptada Qazaqstanda birqatar áleýmettik mańyzy bar azyq-túlik taýarlarynyń baǵasy tústi, dep habarlaıdy QR Stratelgııalyq josparlaı jáne reformalar agenttigi Ulttyq statıstıka bıýrosy.
Apta ishinde pııazdyń baǵasy 4,9%, kartop 4,1%, alma 2,7%, aq qaýdandy qyryqqabat 2,2%, sábiz 1,9%, qııar 1,5%, qoı eti, onyń ishinde súıeksiz et 0,6%, qyzanaq 0,4% arzandady.
Esepti aptada birinshi surypty unnan jasalǵan bıdaı nanynyń, qaımaqtyń, sary maıdyń jáne tuzdyń baǵasy ózgerissiz qaldy.
Óńirlik bóliniste elimizdiń birqatar qalasynda deflıatsııalyq dınamıka baıqaldy.
Áleýmettik mańyzy bar azyq-túlik taýarlarynyń jalpy baǵa deńgeıi bir apta ishinde Qaraǵandyda – 0,7%-ǵa, Kókshetaý men Óskemende – 0,5%-ǵa, Qonaevta – 0,4%-ǵa, Jezqazǵan men Taldyqorǵanda – 0,3%-ǵa tómendedi.
Astana, Shymkent, Aqtóbe, Oral, Pavlodar, Petropavl jáne Semeı qalalarynda baǵalar aldyńǵy apta deńgeıinde saqtaldy.
Respýblıka boıynsha pııazdyń ortasha baǵasy 1 kılogramyna 188 teńgeni qurady. Bul rette eń tómen baǵa Túrkistan qalasynda – 135 teńge deńgeıinde tirkeldi.
Kartoptyń respýblıka boıynsha ortasha baǵasy 1 kılogramyna 248 teńgeni qurady. Eń qoljetimdi baǵa Pavlodarda – 180 teńge, Túrkistanda – 218 teńge deńgeıinde qalyptasty.
El boıynsha almanyń ortasha baǵasy 1 kılogramyna 776 teńgeni qurady. Eń tómen baǵa Shymkent qalasynda – 639 teńge deńgeıinde tirkeldi.
Osyǵan deıin Qazaqstannyń Eýrazııanyń azyq-túlik habyna aınalyp kele jatqany týraly jazdyq.
