Áleýmettik mańyzdy azyq-túliktiń baǵa ındeksi 0,8% tómendedi
ASTANA. KAZINFORM — Áleýmettik mańyzy bar azyq-túlik taýarlarynyń baǵa ındeksi bir aptanyń ishinde ózgerissiz qaldy, al jyldyq mánde 0,8% tómendedi, dep habarlady ulttyq statbıýro.
QR boıynsha áleýmettik mańyzy bar keıbir taýarlardyń ortasha baǵasy /2024 jylǵy 9 shilde/:
Sút 2,5% — 397 tg/l
Rojkı — 319 tg/kg
Sábiz — 197 tg/kg
Áleýmettik mańyzy bar azyq-túlik taýarlarynyń tizbesine 19 taýar kiredi.
Baǵa ózgerisi týraly kórsetkishter apta saıyn jańaryp otyrady.
Baǵanyń ózgerýi týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady.
Ol úshin eldimekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri (gıpermarketter, sýpermarketter, dúkender, kommýnaldyq bazarlar, áleýmettik dúkender men pavılondar) tańdalady.
