Áleýmettik mańyzdy azyq-túlik 3% jýyq qymbattady

Áleýmettik mańyzy bar azyq-túlik taýarlarynyń baǵa ındeksi ótken aptada ózgerissiz qalsa, jyldyq mánde 2,9% ósti, dep habarlaıdy Kazinform ulttyq statbıýroǵa silteme jasap. 

Áleýmettik mańyzy bar azyq-túlik taýarlarynyń tizbesinde 19 zat bar. 

Baǵa ózgerisi týraly kórsetkishter apta saıyn jańaryp otyrady.

Baǵanyń ózgerýi týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady.

Ol úshin eldimekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri tańdalady.

QR boıynsha áleýmettik mańyzy bar keıbir taýarlardyń ortasha baǵasy /2024 jylǵy 9 qańtarǵa/:

Kúrish — 486 tg/kg
Sıyr eti (jaýyryn, tós bóligi) — 2513 tg/kg
Oramjapyraq — 147 tg/kg