Áleýmettik qordan qazaqstandyqtarǵa 70 myń teńge tólenetini týraly aqparat – feık
ASTANA. KAZINFORM – 1949-2010 jyldar aralyǵynda týǵan Qazaqstan azamattaryna belgisiz áleýmettik qordan 70 000 teńge aýdarylatyny týraly áleýmettik jeliler men messendjerlerde taratylyp jatqan aqparat shyndyqqa janaspaıdy. Qarajatty aýdarý úshin belgisiz adamdar siltemege ótýdi usynady.
Eńbek jáne halyqty áleýmettik qorǵaý mınıstrligi áleýmettik kómektiń mundaı túri joq ekenin habarlady. Sondaı-aq habarlamada kórsetilgen silteme azamattardyń jeke derekterin alý tásili bolýy múmkin atap ótip, alaıaqtarmen ózara árekettesýdi boldyrmaý úshin siltemege ótpeýge keńes berdi.
– Memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylady. Azamattardan tek resmı kózderdegi aqparatty paıdalanýyn suraımyz. Jalǵan aqparat taratý zańmen jazalanatynyn esterińizge salamyz, - delingen habarlamada.
Eske sala keteıik, buǵan deıin jyl basynan qyrkúıekke deıin 385 myńnan astam adamǵa ataýly áleýmettik kómek kórsetilgenin habarlaǵan bolatynbyz.
