Áleýmettik kómek, bıznes, jumys: Astanada Barshaǵa múmkindik pýnkterinen keńes alýǵa bolady

Astanada «Barshaǵa múmkindik» modýldik pýnkteri arqyly turǵyndar memlekettik qoldaý sharalary boıynsha keńes ala alady, dep habarlaıdy Kazinform elorda ákimdiginiń resmı saıtyna silteme jasap.

«JOLTAP» áleýmettik jobasy memlekettik qoldaý sharalary, ataýly áleýmettik kómek, bıznesti ashý úshin ótinish berý, oqytý, jumys izdeý boıynsha keńes berý múmkindigin usynady.

Joba elorda ákimdiginiń qoldaýymen júzege asyrylady jáne barlyq tilek bildirýshiler úshin qoljetimdi. Jobaǵa kez kelgen adam qatysa alady.

«JOLTAP» jobasynyń maqsaty – halyqtyń tabysyn arttyrý úshin múmkindikterdi tańdaýǵa kómektesý.

Konsýltatsııalar kún saıyn «Barshaǵa múmkindik» modýldik pýnkterinde myna mekenjaılar boıynsha kórsetilgen ýaqytta júrgiziledi:

Kúndelikti saǵat 10:00-19:00 aralyǵynda:

• «Ailand» ODO, Qorǵaljyn tas joly, 2;
• «Magnum» sýpermarketi, Edil kóshesi, 26;
• Kúndelikti saǵat 10:00-20:00 aralyǵynda:
• «Jastar» saraıy Respýblıka dańǵyly, 34;
• «Tulpar» SO Sh. Ýálıhanov kóshesi, 24;
• «Euromall» SÚ, Qosshyǵululy kóshesi, 23;
• «Vstrecha» SÚ Abylaı han dańǵyly, 31;
• «Mechta» SÚ, Syǵanaq kóshesi, 3;
• «Azııa park» SOO Qabanbaı batyr dańǵyly, 21;
• Kúndelikti saǵat 10:00-18:00 aralyǵynda:
• «Saıanur» bazary Tilendıev dańǵyly, 24/5;
• «Big Shanhaı» bazary, Alash tas joly, 32a.