Áleýmettik qoldaý deńgeıi tek otbasy quramyna qaraı anyqtalmaıdy
ASTANA. KAZINFORM – Eki otbasynyń quramy men bala sany birdeı bolǵanymen, olardyń ómir súrý jaǵdaılary men ál-aýqat deńgeıi aıtarlyqtaı erekshelenýi múmkin.
Mysalyǵa eki otbasyn alaıyq: ár otbasynda eki eresek adam jáne tórt bala bar. Syrttaı qaraǵanda, olardyń otbasy quramy birdeı. Alaıda otbasynyń naqty áleýmettik-ekonomıkalyq jaǵdaıyn baǵalaý kezinde onyń quramy men bala sanynan bólek, turǵyn úı jaǵdaıy, jumyspen qamtylýy, tabysy, múlki jáne basqa da áleýmettik-ekonomıkalyq kórsetkishter eskeriledi.
Dıdardyń otbasy óz qajettilikterin óz betinshe qamtamasyz etýge múmkindik beretin turaqty jaǵdaıǵa ıe. Otbasynyń jeke baspanasy, turaqty jumysy, qosymsha aktıvteri nemese jeke kásibi bolýy múmkin. Kórsetkishterdiń jıyntyǵy boıynsha mundaı jaǵdaı «A» sanatyna sáıkes kelýi jáne áleýmettik qoldaýǵa qajettilik deńgeıiniń tómen ekenin kórsetýi múmkin.
Erlannyń otbasy da eki eresek adamnan jáne tórt baladan turady. Alaıda onyń áleýmettik-ekonomıkalyq jaǵdaıy ózgeshe: otbasy shaǵyn páterde turady, eresek músheleri jaldamaly jumys isteıdi, otbasynyń múlki men qarjylyq resýrstary shekteýli. Jaǵdaıdy keshendi baǵalaý nátıjesinde mundaı kórsetkishter «S» sanatyna sáıkes kelýi jáne áleýmettik qoldaýǵa qajettiliktiń joǵaryraq ekenin kórsetýi múmkin.
Osylaısha, otbasy músheleriniń sany men otbasy quramy onyń áleýmettik-ekonomıkalyq jaǵdaıyn tolyq sıpattaıtyn jalǵyz kórsetkish bolyp tabylmaıdy.
Keshendi tásil otbasynyń ómir súrý jaǵdaıyn obektıvti kórsetkishterdiń jıyntyǵy negizinde baǵalaýǵa jáne onyń áleýmettik qoldaýǵa degen qajettilik deńgeıin anyqtaýǵa múmkindik beredi.
