Áleýmettik qyzmetter portalynda qaýipsizdik pen qoljetimdilik artty
ASTANA. KAZINFORM — Endi tapsyrysty QR arqyly qol qoıý nemese elektrondyq tsıfrlyq qoltańba (ETsQ) arqyly rastaýǵa bolady. Bul týraly Eńbek jáne halyqty áleýmettik qorǵaý mınıstrligi málim etti.
— Paıdalanýshy ózine yńǵaıly tásildi ózi tańdaıdy. QR arqyly qol qoıý jańa múmkindigi ETsQ-ny úshinshi tulǵalarǵa berýge baılanysty táýekelderdi azaıtyp, qyzmetterdiń qaýipsizdigin arttyrady, — delingen habarlamada.
Taǵy bir jańalyq — taýardy SMS-kod arqyly rastaý. Jetkizý kezinde nemese taýardy ózińiz alyp ketken jaǵdaıda alýshynyń uıaly telefonyna bir rettik SMS-kod jiberiledi. Kod rastalǵannan keıin tapsyrys avtomatty túrde «Oryndaldy»mártebesine ótedi. Bul taýardy alý protsesiniń ashyqtyǵy men qaýipsizdigin qamtamasyz etedi.
— Aleumet portalynda tehnıkalyq ońaltý quraldaryn alýshylarǵa arnalǵan onlaın-saýalnama iske qosyldy. Paıdalanýshylar tehnıkalyq ońaltý quraldarynyń quny, qosymsha tólem mólsheri jáne olardy satyp alý qolaılylyǵyna qatysty óz pikirlerin bildire alady. Saýalnamaǵa portaldaǵy silteme nemese QR-kod arqyly qatysýǵa bolady, — dep habarlady vedomstvodan.
Sondaı-aq Inva.gov.kz portalynda onlaın ózin-ózi baǵalaý saýalnamasy iske qosyldy. Obekt ıeleri men bıznes ókilderi óz nysandarynyń qoljetimdiligin baǵalap, anyqtalǵan kedergilerdi joıý boıynsha usynymdar ala alady. Ol úshin portal nemese QR-kod arqyly saýalnamany ashyp, ótý qajet bolady.
Áleýmettik qyzmetter portaly tsıfrlyq sheshimderdi turaqty túrde engize otyryp, áleýmettik qyzmetterdiń yńǵaılylyǵyn qamtamasyz etýdi jalǵastyrýda.
