Áleýmettik kásipkerlik sýbektileriniń sany 1 672 boldy

ASTANA. KAZINFORM — 2025 jylǵy tórtinshi toqsan qorytyndysy boıynsha Qazaqstandaǵy áleýmettik kásipkerlik sýbektileriniń sany 1 672. Al 2024 jyly 835 bolǵan. Bul sektordaǵy qarqyndy ósý men damýdy kórsetedi. Bul týraly Ekonomıka mınıstrligi málim etti.

Áleýmettik kásipkerlik sýbektileri tizilimi oblystardyń, respýblıkalyq mańyzy bar qalalardyń jáne astananyń jergilikti atqarýshy organdary usynatyn málimetteri negizinde arnaıy komıssııanyń materıaldardy qaraý nátıjesi boıynsha qalyptastyrylyp, júrgiziledi. Komıssııa iri kásipkerlik sýbektilerin qospaǵanda, jeke kásipkerler men zańdy tulǵalardy Tizilimge engizý usynymyn ázirleıdi. Tizilimdi Ulttyq ekonomıka mınıstrligi toqsan saıyn jańartyp otyrady.

Eske salsaq, áleýmettik kásipkerliktiń jumys isteýine arnalǵan zańnamalyq negiz 2021 jyly jasalǵan bolatyn. Alǵash ret azamattardyń jáne qoǵamnyń áleýmettik máselelerin sheshetin kásipkerlik qyzmet — «áleýmettik kásipkerlik» uǵymy normatıvtik deńgeıde bekitildi. Áleýmettik kásipkerlikke múgedektigi bar adamdardyń bıznesi, erekshe qajettiligi bar adamdarǵa, áleýmettik osal top ókilderine jumys ornyn usynatyn kásiporyndar da jatady.

Buǵan deıin elimizde áleýmettik kásipkerlik sýbektiler reestri keńeıtildi.

Aıta keteıik, shaǵyn kásipkerler toqsan saıyn salyq tóleýden bosatylady.