Áleýmettik azyq-túlik baǵasy qaı qalalarda arzandady
ASTANA. KAZINFORM — 23 qyrkúıektegi jaǵdaı boıynsha esepti aptada Qazaqstanda áleýmettik mańyzy bar azyq-túlik taýarlarynyń birqatarynyń baǵasy tómendedi.
Apta ishinde pııazdyń baǵasy 4,3%-ǵa, sábizdiń — 2,8%-ǵa, almanyń — 2,5%-ǵa, qııardyń — 1,3%-ǵa, kartoptyń — 0,9%-ǵa, qant pen taýyq etiniń baǵasy 0,5%-ǵa, súıekti sıyr etiniń baǵasy 0,4%-ǵa tómendedi.
Esepti aptada qoı etiniń, taýyqtyń, súzbeniń jáne qyryqqabattyń baǵalary ózgerissiz qaldy.
Óńirler bólinisinde elimizdiń birqatar qalasynda deflıatsııalyq dınamıka baıqaldy. Áleýmettik mańyzy bar azyq-túlik taýarlary baǵasynyń jalpy deńgeıi bir apta ishinde Qaraǵandyda 0,4%-ǵa, Aqtóbe men Jezqazǵanda — 0,2%-ǵa, Túrkistanda — 0,1%-ǵa tómendedi.
Astana, Almaty, Kókshetaý, Shymkent, Qonaev, Pavlodar jáne Semeı qalalarynda baǵalar aldyńǵy apta deńgeıinde saqtaldy.
Respýblıka boıynsha pııazdyń ortasha baǵasy kılogramyna 142 teńge, bul rette eń tómen baǵa Taldyqorǵan qalasynda — kılogramyna 107 teńge tirkeldi.
El boıynsha sábizdiń ortasha baǵasy kılogramyna 215 teńge, bul rette eń tómen baǵa Pavlodar qalasynda — kılogramyna 140 teńge tirkeldi.
Respýblıka boıynsha almanyń ortasha baǵasy kılogramyna 727 teńge. Eń tómen baǵalar Shymkent qalasynda — kılogramyna 554 teńge deńgeıinde tirkeldi.
Qyzanaqtyń respýblıka boıynsha ortasha baǵasy kılogramyna 668 teńgeni qurady. Eń tómen baǵalar Taraz qalasynda — 412 teńge jáne Túrkistan qalasynda — 416 teńge deńgeıinde tirkeldi.
