Áleýmettik azyq-túlik baǵasy: qaı qalalarda arzandady
ASTANA. KAZINFORM — 2 qyrkúıektegi jaǵdaı boıynsha esepti aptada Qazaqstanda áleýmettik mańyzy bar azyq-túlik taýarlarynyń birqatarynyń baǵasy tómendedi.
Apta ishinde pııaz — 7,2%-ǵa, sábiz — 4,6%-ǵa, kartop — 3,2%-ǵa, aq qaýdandy qyryqqabat — 3,1%-ǵa, alma — 1%-ǵa tómendedi.
— Óńirler bólinisinde elimizdiń birqatar qalasynda deflıatsııalyq dınamıka baıqaldy. Áleýmettik mańyzy bar azyq-túlik taýarlarynyń jalpy baǵalar deńgeıi bir apta ishinde Jezqazǵanda — 0,4%-ǵa, Qostanaıda — 0,2%-ǵa, Aqtaý men Qaraǵandyda 0,1%-ǵa tómendedi, — delingen habarlamada.
Respýblıka boıynsha pııazdyń ortasha baǵasy kılogramyna 166 teńge. Eń tómen baǵa Túrkistan qalasynda tirkelip, kılogramyna 135 teńge deńgeıinde tirkeldi.
El boıynsha sábizdiń ortasha baǵasy kılogramyna 238 teńge. Eń tómen baǵa Pavlodar qalasynda tirkeldi — kılogramyna 155 teńge.
Respýblıka boıynsha kartoptyń ortasha baǵasy kılogramyna 234 teńge boldy. Eń qoljetimdi baǵalar Pavlodarda — 169 teńge jáne Qostanaıda — 183 teńge deńgeıinde qalyptasty.
Qyzanaqtyń respýblıka boıynsha ortasha baǵasy kılogramyna 546 teńge. Eń qoljetimdi baǵa Taraz qalasynda tirkeldi — kılogramyna 315 teńge.
Et ónimderiniń ishinde respýblıka boıynsha súıekti sıyr etiniń ortasha baǵasy kılogramyna 3 804 teńgeni, taýyq etiniń baǵasy 1 746 teńge deńgeıinde tirkeldi.
Aıta ketelik tamyz aıynda áleýmettik mańyzy bar azyq-túlik baǵasy arzandaǵany týraly jazǵan edik.
