«Áleýmettik ámııan»: tegin jáne jeńildikpen tamaqtandyrý júıesi qalaı jumys isteıdi
ASTANA. KAZINFORM – Oqý-aǵartý mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligimen birlese otyryp, eGov Mobile mobıldi qosymshasynda «Áleýmettik ámııan» arqyly mektepterde tegin tamaqtandyrý boıynsha pılottyq jobany iske qosty.
Mınıstrliktiń málimetinshe, joba ata-analarǵa qyzmetti proaktıvti túrde alýǵa, balalarynyń mektep ashanalaryna barýyn baqylaýǵa jáne jeńildikpen tamaqtaný úshin tsıfrlyq vaýcherlerdi paıdalanýǵa múmkindik beredi.
Qazirgi ýaqytta tamaqtandyrýdy esepke alý jáne tirkeý júıeleri 15 óńirdegi 250 mektepte jumys isteıdi. Jobany keńeıtý úshin mektepterdi tamaqtandyrýdy esepke alý men tirkeý júıelerimen qamtamasyz etý jáne olardy «Áleýmettik ámııan» júıesimen ıntegratsııalaý jumystary júrgizilip jatyr.
Aıta ketý kerek, pılottyq joba Aqmola, Mańǵystaý oblystarynda jáne Astana, Shymkent qalalarynda synaqtan sátti ótti. Mektepterdiń daıyndyǵyna qaraı birtindep engiziletin bolady.
