Áleýmettik jelilerdegi qandaı sms-ter men habarlamalar qarym-qatynastyń buzylýyna áser etedi
ASTANA. 2 qarasha. QazAqparat - Mátindik habarlama arqyly mańyzdy áńgimeler jazyp, pikirtalastar týǵyzyp, keshirim suraýdyń qajeti joq. Bul qarym-qatynasqa keri áser etýi múmkin. Mundaı sheshimdi jańa zertteýdiń nátıjesinde amerıkandyq ǵalymdar shyǵaryp otyr.
Olardyń zertteýleriniń nátıjeleri Journal of Couple and Relationship Therfpy jýrnalynda jarııalanǵan. Brıgama ıAnga ýnıversıetiniń zertteýshileri tájirıbege qatysýǵa 18 ben 25 jas aralyǵyndaǵy 276 adamdy shaqyrǵan. Olardyń jartysyna jýyǵynyń basy bos emes bolsa, 40 paıyzy tyǵyz qarym-qatynastaǵy adamdar, al 16 paıyzy úılengender. Barlyq qatysýshylar onlaın-saýalnamany toltyryp, onda mátindik habarlamalardy qanshalyqty jıi jazatynyn jáne ol úshin qandaı tehnologııalardy qoldananyn kórsetken.
Sonymen qatar, ǵalymdar áleýmettik jelilerde hatty ne úshin jazatynyn ataýdy surady. Ol úshin olar eki jaýap usyndy. Onyń biri - óz sezimin bildirý, ekinshisi - unamsyz nárselerdi jazyp, áńgimelesýshiniń janyn jaralaý nemese mańyzdy máselelerdi sheshý. Sonymen qatar, erik bildirýshiler ózderiniń qarym-qatynastaryna qanshalyqty kóńilderi tolatynyna baǵa berdi.
Nátıjesinde negizgi úsh sheshim shyǵaryldy:
- áıel adamdar úshin keshirim suraý, kelispeýshilikti talqylaý jáne máselelerdi habarlamalar arqyly sheshý qarym-qatanystyń oıdaǵydaı emestigin kórsetedi;
- er adamdar úshin habarlamalarmen jıi almasý qarym-qanytastyń oıdaǵydaı emestigin bildirse;
- barlyǵy úshin mátindik habarlamalar arqyly óz sezimin bildirý qarym-qatynasty nyǵaıta túsýge sep bolady.
Budan shyǵatyn qorytyndy: eger áńgimelesýshi adamǵa jazatyn jaǵymdy áńgimeńiz bolmasa, eshteńe jazýdyń qajeti joq. Odan da ony kezdesý barysynda aıtqan jón.
