Áleýmettik jelilerde paıda bolǵan Jańaózen qalasyndaǵy atys jáne qurban bolǵandar týraly habarlar shyndyqqa sáıkes kelmeıdi.- Bas prokýratýra
ASTANA. 16 jeltoqsan. QazAqparat. Búgin, 2011 jylǵy 16 jeltoqsanda Mańǵystaý oblysynyń Jańaózen qalasynda adamdar tobynyń qylmystyq áreketteriniń nátıjesinde jappaı tártipsizdikter oryn aldy, dep habarlaıdy QR Bas prokýratýrasynyń baspasóz qyzmeti.
Atap aıtqanda, qalanyń ortalyq alańyndaǵy merekelik sharalar toqtatylyp, Táýelsizdik kúnine oraı qoıylǵan kıiz úıler men kóshirmeli sahna qıratýǵa ushyrady. Eki polıtsııa qyzmetkerine dene jaraqattary keltirildi.
Deıturǵanymen, áleýmettik jelilerde paıda bolǵan atys jáne qurbandar týraly habarlar shyndyqqa sáıkes kelmeıdi.
Quqyq qorǵaý organdarymen qylmystyq áreketterdiń jolyn kesý jónindegi qajetti barlyq sharalar qabyldanýda.
Jappaı tártipsizdikter faktisi boıynsha qylmystyq is qozǵaldy, Qazaqstan Respýblıkasy Іshki ister mınıstriniń basshylyǵymen jedel-tergeý toby quryldy.
