Áleýmettik jelilerde Olımpıada chempıony Ilıa Ilındi týǵan kúnimen quttyqtaýda
ASTANA. QazAqparat - 24 mamyr kúni qos dúrkin Olımpıada chempıony, tórt dúrkin Álem chempıony, Azııa oıyndarynyń qos dúrkin jeńimpazy, qazaqstandyq aýyr atletshi Ilıa Ilın 27 jasqa tolyp jatyr.
Qazaqstandyqtar áleýmettik jelilerde sportshyny týǵan kúnimen quttyqtaýda.
QR Parlamenti Májilisiniń depýtaty Muhtar Tinikeev Feısbýk áleýmettik jelisindegi paraqshasynda «Qymbatty Ilıa! Ózińdi týǵan kúnińmen quttyqtap, temirdeı myqty densaýlyq, bolattaı myqty tabandylyq pen otbasylyq bereke, tabys tileýge ruqsat et!», - dep jazsa, Baqyt Syzdyqova «Týǵan kúnińmen, jeńimpaz!!!», dep lebizin bildirgen.
Ilıa Ilın 1988 jyldyń 24 mamyrynda Qyzylorda qalasynda dúnıege kelgen. Otbasynda úsh ul balanyń kenjesi. Sportzalǵa alǵashqy ret 6 jasynda úlken aǵasy Andreıge erip keldi. Aǵasy bokstan Qazaqstan birinshiliginde birneshe ret jeńimpaz atanǵan sportshy bolatyn. Balalyq qyzyǵýshylyqpen aýyr temirlerdi kóterýdi úırendi. Arnaıy sektsııada jattyǵýdy 8 jasynan bastady. Alǵashqy bapkeri Vılorıı Pak bolatyn.
Qazaqstandyq tuńǵysh Olımpıada oıyndarynyń eki dúrkin chempıony (2008, 2012), álemniń tórt dúrkin chempıony (2005, 2006, 2011) jáne Qazaqstan chempıony. Qazaqstannyń eńbek sińirgen sport sheberi. «Dınamo» sport klýbynyń quramynda óner kórsetedi. Qazaqstan Respýblıkasy Ulttyq qaýipsizdik komıteti Shekara qyzmetiniń aǵa leıtenanty.
