Áleýmettik jelilerde kóp otyrý depressııaǵa alyp keledi- ǵalymdar

ASTANA. QazAqparat - Áleýmettik jelilerde kóp otyrý ózińdi jalǵyz sezinýge jáne depressııaǵa alyp keledi. Bul týraly AQSh-taǵy Pensılvanııa ýnıversıtetiniń psıhologtary aıtty, dep habarlaıdy QazAqparat.

Ǵalymdar Journal of Social and Clinical Psychology jýrnalynda áleýmettik jelilerdiń adam ómirine áserin zertteý nátıjelerin jarııalady.

Ǵalymdar ózderiniń zertteýlerin Feısbýk, Instagram jáne Snapchat sııaqty áleýmettik jelilerdi belsendi qoldanatyn 143 stýdent arasynda júrgizgen.

Olar jastardy eki topqa bólgen. Birinshi top ómirin ózgertpeı áleýmettik jelilerdi sol qalpynda erkin jáne shekteýsiz qoldana bergen. Al ekinshi top músheleri kúnine tek 10 mınýt ǵana áleýmettik jelide otyrǵan. Eksperıment úsh aptaǵa sozylǵan.

Saýalnamaǵa qatysqan qyzdar men jgitter 7 kórsetkish, ıaǵnı jalǵyzdyq, áleýmettik qoldaý, depressııa, ózińdi qabyldaý, ózgeler aldynda ózińdi túsirý, kúıgelektený, óz-ózin baǵalaý boıynsha baǵalanǵan.

Zertteý qorytyndysyna qaraǵanda, áleýmettik jelilerde kóp otyratyndar ózderin jalǵyz sezingen jáne depressııaǵa kóbirek túskeni baıqalǵan.