Áleýmettik jelilerde Kóktóbedegi attraktsıonda qulaǵan balanyń vıdeosy paıda boldy
ALMATY. QazAqparat - Kóktóbedegi attraktsıonda qulaǵan jasóspirimniń vıdeosy áleýmettik jelilerde paıda boldy, dep habarlaıdy QazAqparat tilshisi.
Áleýmettik jelide taraǵan vıdeodan «Rogatka» attraktsıonynan balanyń qulap ketkenin kórýge bolady.
Buǵan deıin, 13 jastaǵy balanyń batýttan qulap jaraqat alǵany týraly jazǵan bolatynbyz.
«Naýqasty jedel járdem qyzmeti Almaty qalalyq balalarǵa jedel medıtsınalyq qyzmet kórsetý ortalyǵyna jetkizdi. Dárigerler qarap, qajetti medıtsınalyq kómekti tolyǵymen alyp jatyr. Balanyń jaǵdaıy birqalypty», - dep habarlady densaýlyq saqtaý basqarmasyndaǵylar.
