Áleýmettik jelilerde borysh júktemesin azaıtý máseleleri boıynsha akkaýnttar ashyldy

NUR-SULTAN. QazAqparat - QR Eńbek jáne halyqty áleýmettik qorǵaý mınıstrligi Facebook pen Instagram áleýmettik jelilerinde qazaqstandyqtardyń borysh júktemesin azaıtý boıynsha eń ózekti máselelerdi túsindirý úshin arnaıy akkaýnttar ashty, dep habarlaıdy QazAqparat Eńbek mınıstrliginiń baspasóz qyzmetine silteme jasap.

Borysh júktemesin azaıtý máseleleri boıynsha azamattardyń kóptegen ótinishterin eskere otyryp, atalmysh mınıstrlik halyqpen syndarly dıalog qurý úshin arnaıy akkaýnt-alańdaryn qurdy.

Osy taqyryp boıynsha suraqtary bar azamattar ózekti aqparatty Facebook-tegi (https://www.facebook.com/Vse-o-snıjenıı-dolgovoı-nagrýzkı-103633851027565/) jáne Instagram-daǵy (https://www.instagram.com/p/B2O33d9Ag_U/?igshid=1a5ciudmyf0wk) «Bári borysh júktemesin azaıtý týraly» akkaýnttarynda ala alady.

Buǵan deıin habarlanǵandaı, borysh júktemesiniń tómendeýine úmitker azamattar óz mártebesin kelesideı teksere alatyny belgili:

- Qazaqstan Respýblıkasy Eńbek jáne halyqty áleýmettik qorǵaý mınıstrliginiń (budan ári - QR Eńbekmıni) resmı ınternet-resýrsyndaǵy https://www.enbek.gov.kz/ru/node/363149 siltemesine JSN engizip, suraý jiberý arqyly;

- Elektrondyq úkimet portalynyń basty betinde ornalasqan «Borysh júktemesin azaıtý baǵdarlamasyna qatysý úshin mártebeni tekserý» elektrondyq servısiniń kómegimen. Ol úshin ETsQ qajet bolady;

-QR Eńbek jáne halyqty áleýmettik qorǵaý mınıstrliginiń bazasynda jumys isteıtin call-ortalyqta 111, 74-32-20, 75-01-79, 75-01-78 telefondary boıynsha konsýltatsııa alý;

- Halyqqa qyzmet kórsetý ortalyǵyna júginý arqyly.

11 qyrkúıekten bastap qazaqstandyqtar memleket esebinen qaryzdar men mıkrokredıtter boıynsha bereshekti óteý múmkindigi týraly konsýltatsııany:

- Oblystardyń, Nur-Sultan, Almaty jáne Shymkent qalalarynyń jumyspen qamtýdy úılestirý jáne áleýmettik baǵdarlamalar basqarmalarynan;

- «Memlekettik áleýmettik saqtandyrý qory» AQ jáne onyń fılıaldarynan;

- Oblystardaǵy, Nur-Sultan, Almaty jáne Shymkent qalalaryndaǵy Eńbek, áleýmettik qorǵaý jáne kóshi-qon komıtetiniń aýmaqtyq departamentterinen ala alady.