Áleýmettik jeliler jastardyń densaýlyǵyna zııan keltiredi
ASTANA. QazAqparat - Eger jasóspirim Facebook, Twitter nemese Instagram áleýmettik jelilerinde kúnine eki saǵattan astam ýaqyt ótkizse, ol aqyl-oı problemalaryna, psıhologııalyq kúızeliske ushyraýy múmkin nemese tipti munyń arty óz-ózine qol jumsaýǵa ákelip soqtyrýy ǵajap emes, dep jazady meddaily.ru.
Ǵalymdar eriktiler tobyndaǵy jasóspirimderdiń áleýmettik jelilerge ketirgen ýaqytyn salystyrǵan. Zertteýge qatysqan jasóspirimderdiń eń kishisi jetinshi synyp oqýshysy bolǵan. Olardyń 25 paıyzy áleýmettik jelilerde kúnine eki saǵattan artyq ýaqyt otyrǵan, dep habarlaıdy The Times of India .
Keıbireýler úshin áleýmettik jeliler naǵyz problemaǵa aınalǵan. Sarapshylardyń pikirinshe, áleýmettik jelilerdiń barlyq kúshin psıhologııalyq kómektiń nasıhattalýy úshin qoldaný qajet. Áleýmettik jeliler jastardyń qaýipke ushyraıtyn toptary men medıtsına sarapshylaryn baılanystyra alady.
